Mehfil-e-Ghazal - 8th April, 2014

ham tujh se kis hawas kii falak justajoo kareN - Khwaja Mir Dard

ham tujh se kis hawas kii falak justajoo kareN
dil hii naiiN rahaa hai jo kuchh aarazoo kareN

tar_daamanii pe shaiKh hamaarii na jaayiye
daaman nichhoR deN to farishte wazoo kareN

har chand aa_iina hooN par itanaa hooN naqubool
mooNh pher le wo jis ke mujhe roo_ba_roo kareN

na gul hai sabaat na ham ko hai aitabaar
kis baat pe chaman hawas-e-rang-o-boo kareN