ajal

Meaning:
death [n. fem. Arabic] 

Usage: 
kaho ajal se zaraa do ghaRii Thahar jaaye 
sunaa hai aane kaa waadaa nibhaa rahaa hai ko_ii 
[Sardar Anjum] 

Associated word(s): 
1) ajal_raseedaa = almost dead/doomed [adj. Arabic/Persian]
2) ajal_giriftaa = Same as "ajal_raseedaa"

azal 

Meaning:
time immemorial [adj. Arabic] 

Usage: 
na jis kii shakl hai ko_ii na jis kaa naam hai ko_ii 
ik aisii shai kaa kyoN hameN azal se intazaar hai 
[Shahryar]

bedaar

Meaning:
awake 

Usage: 
ye pur_sukoon subah ye maiN ye fazaa "Shaoor" 
wo so rahe haiN ab unheN bedaar kyaa karooN 

pur_sukoon = peaceful/tranquil
subah = morning

Associated word(s): 
bedaarii - wakefulness 

raat ho din ho Gafalat ho ke bedaarii ho 
us ko dekhaa to nahiiN hai use sochaa hai bahut 
[Krishan Bihari Noor]

zeest

Meaning:
life 

Usage:
har taraf zeest kii raahoN meN kaRii dhoop hai dost 
bas terii yaad ke saaye haiN panaahoN kii tarah 
[Sudarshan Faakir] 

panaah = shelter

luGat

Meaning:
dictionary 

The plural of 'luGat' is 'luGaat' 

Usage: 
deemak lagii luGat se Khafaa hoke ek din 
mafhoom kii talaash meN alfaaz jaayenge 
[Midahtul Akhtar] 

deemak = termite
Khafaa = angry 
mafhoom = meaning
talaash = search
alfaaz = words (plural of lafz)

waaqif

Meaning:
to know/be familiar with 

Usage: 
wvaaqif thaa merii Khaanaa_Kharaabii se wahii shaKhs 
jo mujh se mere ghar kaa pataa poochh rahaa thaa 
[Muztar Siddiqui]

sabr

Meaning:
patience

Usage:
le gayaa chheen ke kaun aaj teraa sabr-o-qaraar 
beqaraarii tujhe ai dil kabhii aisii to na thii 
[Bahadur Shah Zafar]

raqs

Meaning:
dance

Usage:
garmii-e-shamaa kaa afasaanaa sunaanewaalo 
raqs dekhaa nahiiN tum ne abhii parwaane kaa 
[Iqbal Sufipuri]


Associated Words:
raqqaasaa = dancer

faqat

Meaning:
Only

Usage:
haseenoN se faqat saahab-salaamat door kii achchhii
na un kii dostii achchhii na un kii dushmanii achchhii
[Hafeez Jaunpuri]

urooj

Meaning:
zenith, peak

Usage:
merii daastaaN kaa urooj thaa terii narm palakoN kii chhaaNv meN 
mere saath thaa tujhe jaaganaa terii aaNkh kaise jhapak ga_ii 
[Bashir Badr]